කටුනායක ගුවන් තොටුපළ ශ්‍රී ලාංකිකයන්ගේ පැමිණීම් සහ පිටවීම්. - lankaenewsGossip

කටුනායක ගුවන් තොටුපළ ශ්‍රී ලාංකිකයන්ගේ පැමිණීම් සහ පිටවීම්.

කටුනායක ගුවන් තොටුපළ සාමාන්‍ය ගුවන් මගී මෙහෙයුම් සදහා වසා තිබියදී , ශ්‍රී ලංකාවට පැමිණීමට නොහැකිව  විදේශ රටවල රැදී සිටි ශ්‍රී ලාංකිකයන් 406 දෙනෙකු රජයේ විශේෂ අවසරය මත කටුනායක ගුවන් තොටුපළ ඔස්සේ 11/27 දින  මෙරටට පැමිණ තිබූ අතර , තවත් ශ්‍රී ලාංකිකයන් 382 දෙනෙකු රැකියා සදහා කටුනායක ගුවන් තොටුපළෙන් 11/27 දින පිටත්ව ගොස් තිබුණි .

 ඒ අනුව එක්සත් අරාබි එමීර් රාජ්‍යයේ රැදී සිටි සිටි 153 දෙනෙකු ඩුබායි සිටත් , කටාර් රාජ්‍යයේ රැදී සිටි 50 දෙනෙකු දෝහා සිටත් , ඕස්ට්‍රේලියාවේ සිට 191 දෙනෙකු සිඩ්නි සිටත් , ජපානයේ සිට 12 දෙනෙකු නරීටා සිටත් 11/27 දින අලුයම  පැමිණි ගුවන් යානා 05 කින් ශ්‍රී ලාංකිකයන් 406 දෙනෙකු  කටුනායක ගුවන් තොටුපළ වෙත පැමිණ තිබුණි .

එසේ පැමිණ තිබූ මෙම පිරිස කොළඹ පෞද්ගලික රෝහල් වන නවලෝක , ඩර්ඩන්ස් , ලංකා සහ ආසිරි යන කාර්යය මණ්ඩල විසින් පී.සී.ආර්.පරීක්ෂණ වලට ලක් කළ අතර , ඉන්පසුව මෙම පිරිස නීරෝධායන කටයුතු සදහා සංචාරක හෝටල් වෙත යොමු කර තිබුණි .

 එසේම 11/27 දින අලුයම එක්සත් අරාබි එමීර් රාජ්‍යයේ ඩුබායි වෙත 275 දෙනෙකු ද , කටාර් රාජ්‍යයේ දෝහා වෙත 53 දෙනෙකු ද ,මාලදිවයිනේ මාලේ වෙත 54 දෙනෙකු ද වශයෙන් ශ්‍රී ලාංකිකයන් 382 දෙනෙකු රැකියා සදහා කටුනායක ගුවන් තොටුපළෙන් පිටත්ව ගොස් තිබුණි .



No comments

Powered by Blogger.