Brandix HR Division එකේ සේවක දත්ත fruit Salad එකක් - lankaenewsGossip

Brandix HR Division එකේ සේවක දත්ත fruit Salad එකක්


ලංකාවේ ප්‍රමුඛ පෙළේ ඇඟළුම් ආයතනයක් වුවද බ්‍රැන්ඩික්ස් ආයතනයේ මානව සම්පත් ඒකකයේ සේවකයින්ගේ ලිපින දුරකථන අංක සඳහන් නිවැරදි දත්ත ගොනුවක් නොතිබූ බවත් ඒ හේතුවෙන් කොරෝනා ආසාදනය ධනාත්මකවීමෙන් පසු පළාගිය සේවකයින් ලුහුබැඳීමේ මෙහෙයුමට ගැටලු පැනනැගුණ බවත් පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කරයි.

සේවකයින් පිළිබඳ පරීක්ෂා කර බැලීමේදී ආයතනයේ දත්ත ගොනුවේ තිබෙන ලිපින වැරදි ඒවා බව හා ඇතැම් දුරකථන අංක ක්‍රියාත්මක නොවන ඒවා බව හඳුනාගන්නට ලැබී ඇති අතර මේ හේතුවෙන් මෙහෙයුම සඳහා ආයතනික මට්ටමින්  ලබාගතහැකිවූ සහයෝගය නොලැබ ගිය බව ඔහු සඳහන් කරයි.

මේ හේතුව නිසා


රාජ්‍ය සහ පෞද්ගලික ආයතනවල සේවය කරන සේවකයින්ගේ පෞද්ගලික තොරතුරු යාවත්කාලීන කරගන්නා ලෙස පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා විසින් ආයතන ප්‍රධානීන්ගෙන් ඉල්ලීමක් සිදු කර තිබේ.


ඒ අනුව එළැඹෙන දින 3 ඇතුළත අදාළ තොරතුරු යාවත්කාලීන කර ගන්නා ලෙසත් පවතින වසංගත තත්ත්වය හේතුවෙන් අවශ්‍ය වුවහොත් සේවකයින්ගේ නිවැරදි තොරතුරු බුද්ධි අංශ වෙත ලබාදීම සඳහා ආයතන ප්‍රධානීන් අවධානය යොමුකළ යුතු බව ද ඒ මහතා වැඩිදුරටත් කියා සිටියේය.


මීට අමතරව සිය වාහනයේ ගමන් කරන පුද්ගලයින් පිළිබඳ සටහනක් තබා ගන්නා ලෙසද ත‍්‍රීරෝද රථ රියදුරන් සහ ප‍්‍රවාහන සේවා සපයන කුලී රථ රියදුරන්ගෙන් ඉල්ලීමක් කර තිබේ.


ඇතැම් පුද්ගලයින්ට කොරෝනා වෛරසය ආසාදනය වූ ආකාරය පිළිබඳ මෙතෙක් හෙළි කරගැනීමට නොහැකි වි ඇති බැවින් එවැනි ගමන් සටහනක් තබාගන්නා ලෙස පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා ප්‍රකාශ කර සිටියි.

No comments

Powered by Blogger.